بیر فقط قوجا روزگار قانا   

قیچلاریم سانجیدان

یولاردا منن

اینجییب - یورولوب

ده گوروم اوره ییم

هانسی گویرچین

بیر ائله دولانیب

بیر ائله بورولوب

*

ده گوروم گوزوم

سن گورن گونی

قارا گونلری

هانکی گوز گوروب

اولکه سیز یانان

من کیمی قانان

ائله دردلری

هانکی گوز گوروب

*

باخ منه آدا

کوهنه وولکانا

سویله ییم سنه

چوخ یانا یانا

چوخ چتندی کی اوره یین سوزی

بیلمه سین آتا - بیلمه سین آنا

بیر ائله گوزون یاش توکه سورا

بیر فقط قوجا روزگار قانا

لینک
پنجشنبه ٢۸ دی ،۱۳۸٥ - رضا نورپور

   مخمس خاطرات بهجت آباد ( استاد شهریار )   

مخمس خاطرات بهجت آباد ( شهریار )

گوز گی کیمی گوزلر تیکیلیب يـولـلارا سـاري    

يـئللــرده اســيـب گئــدي ، فـقـط قـالــدي غــبـاري

بيـر كـس ده تـاپيلـماز ائـلـيـه گوزلـري يـاري         

« اولـدوز سـاياراق گوزلـه مـيشم هر گئجـه يـاري

گئج گلمده دي يار يئنه اولموش گئجه ياري »

 

يـازديـم بازي يـازلاره دئديـم يئللـرووي اس

سس گلدي كي آرتيغ دئمه سوز كس سسـووي كس

آرزی كيميـن اولموش منه ايندي گئچه بير كس

« گوزلـر آسيـلي يـوخ نـه قـارالتـي نـه ده بير سس

 باتميش قولاغيم ، گور نه دوشورمكده دي داري »

 

منـده قـاراگون عمـريمي قويـدوم ديه سن هن

يـوخ اينـدي گئـديـركـن مـنيـده اولـديـره سـن سـن

شـايد خبريـم يوخ كـي اولوبسان منه دوشمن

« يـاتمـيش هامـي بيـر آلاه اويـاقديـر داهـا بيـر من

 مندن آشاغي كيمسه يوخ ، اوندان دا يوخاري »

 

آرتيـغ منـي غـم ، غصه لـرين اوسـتونه ييخما

يــوخ منـده داهـا جـان ، قـارا گوز جـانيمـي سيخمـا

مـنـده دئـيـرم گوزلـريـمـه بيـرجـه داريـخمـا         

« دان اولدوزي ايستر چيخـا ، گوز يالواري چيخمـا

او چيخماسادا ، اولدوزومون يوخدي چيخاري »

سنـدن سـورا غملر گولـي كي سولمياجاقميش

عاشـيـق سازيـنـا غـمـلـي نـوا دولـمـيـاجـاقـمـيـش

اولـدوز منـه خاطيـر بـاشينـي يـولمياجاقميش   

« عشـقيـن كـي قـراريـنـدا وفـا اولمـيـاجـاقـمـيـش

بيلمم كي طبيعت نيه قويموش بو قراري؟»

 

داغ مشعلي اوتلاندي سحر سويلـه دي : دورما 

كوشـان اوجـاقي يـانـدي سـحر سـويله دي : دورما

هر كيمسه مني قاندي سحر سويله دي : دورما  

« ريشخنـديـله قيـرجـانـدي سحر سويله دي : دورما

جان قورخوسي وار عشقين ، اوتوزدون بو قماري »

 

وقتـي يـئتيشـيـب گوزلـريــم آيري قالا ائلـدن

مـجـنـون كـيمـي كـوشـانـدا گئنـه آه چـكــه بئـلـدن

مـنـده كـي تـوتـا بـيلميجـم سارامـي سئـلـدن 

« اولـدوم قـره گون ، آيـريـلالي او سـاري تـئـلـدن

 بونجا قره گونلردي ايدن رنگيمي ساري »

 

چاتدي سحر آما گوزومون وقتي قوتولدي 

دا گوزده مگـيـن فـايـداسـي يـوخ گوز كـي توتولدي

گون ده باش آچيب سققه ليمه باخديجا گولدي 

« سانكي خوروزون سون باني خنجردي سوخولدي

 سينمده اورك وارسا كسيب قيردي داماري »

 

لینک
چهارشنبه ٢٩ شهریور ،۱۳۸٥ - رضا نورپور

   غزللر   

غزل 1

 

اوزوك كيمين ايتيرميشم قاشيمي

تاپانميرام وفالي يولداشيمي

بولود قويور باشيني داغ چينينه

من قارا گون هارا قويوم باشيمي

ايسميرم ياريم گوروب اينجي يه

گيزده ديرم گوزومده گوزياشيمي

باشماق كيمين زيوار سيزام حيف اولا

تاپانميرام درديمه كفاشيمي

نقاش اولوب خيالينده چكيردير

اول دوداغ ، سونرادا گوز ـ  قاشيمي

رنگي قوتولدي بوشلادي طرحيمي

گورمديم اوندان سورا نقاشيمي

مسافر اولدوم ، حيف اولا تانيش يوخ

ايق داليمدا پيشيره آشيمي

 

 

غزل 2

 

گئنه غمخانه كيميندير منه دونيا گئجه لر

سن كي يوخسان گوره سن گوزلري دريا گئجه لر

بير قرنلوق كوچه دي ، بير باجادي ، بيرده منم

كيم بيلر درديميزي همشه يلدا گئجه لر

گوزليم گوزلروي اولدوز ائله گوزلريمه

بلكه اولسون يوخومون كابوسي ، رويا گئجه لر

سن گئداندان سورا بير بوغضدي ساليب درده مني

گوزياشيمنان ائله ديم دردي مداوا گئجه لر

اورك اولدي پارالي ، گوزلريم اولدي يارالي

يارادا هرياريا ائدي مدارا گئجه لر

من پلنگ لر كيمينيديم آيين اون دورد گئجه سي

آيي اوخشادي سنه ائتدي تماشا گئجه لر

گئزمه عشق معناسيني آيري اوركلرده كي من

ائدميشم صبحه كيمين عشقيمي معنا گئجه لر

غزل 3

نـازلـي گولـوم مـنـنده بيـر يـاد ائـله

يـامـان گونـون الـيـنــدن آزاد ائـله

يـل كـيمين اس سـيپـيرگينن غملـري

مـنـي ده بـيــر گلـمـگوا شــاد ائـله

طوفان اولوب درياده هئچ امـان يوخ

داديـمه چـات گل مـني امـدادائـله

سن سيز عمر گوزومده هئچ زاد اولوب

قيـل بيـر نـظـر عمـرمو بيـر زاد ائـله

سـندن سـورا كنـديم خرابه اولـدي

گئنـه قـيـيــد كنـديـمـي آبـاد ائـله

غزل ۴

عمور منيلن ايسته مير بئش كلمه خوش دانيشا

هر گون كي عمريمدن كئچير بير داشدي كي دئير باشا

بيرجه منه دئسين بيري ، نيله ميشم بو خلقه من

هر كيمسه يولدان كئچينير منيلن ايستير ساواشا

قوش كيمينم كي روزگار ، باقلانديريب قاناتيمي

عقيل دئير قوي باشووي ، آمما اورك دئير ياشا

نه وقته جاق يازيم يازي ، نه وقته جاق چاليم سازي

دنيزلي يم ، دنيزلي يم ، دا طاقتيم گليب باشا

ايسته ييرم بير قوش اولام ، قانات چالام هر طرفه

گئدم اوزاقلاردان ائدم گونلريمي بير تاماشا

غزل ۵

گوزلـرون آخ نه گوزلديـر ، نه گوزل ، آي پاراسي

نـه اولاردي گئـيـنــم گوزلــروون آغ ـ قـاراسي

بو نـه گوزياشدي كي طوفانلي ائديب گوزلرووي

جـانيمـا دوشسـون اگر گوزلـروون وار يـاراسي

دامجـي دامجـي ييقيليـر خيردا گوزه ، من نه دئيم

دنـيـزه بـنـزيـيــر آمـا ايـكـي كيپـريـك آراسي

ائلـه اولـدوز كيمـي گوزيـاشي يئره توكمه گوزل

ائلـه اولـدوزلارا ديـمـز گونـشـيـن گوشواراسي

آغلامـا ، بيـر ائلـه گوزيـاش ائله مه ، صبره دايان

قويمارام سئل لره دوشسون گئنه ده ائل ساراسي

لینک
جمعه ٦ امرداد ،۱۳۸٥ - رضا نورپور