غزللر

غزل 1   اوزوك كيمين ايتيرميشم قاشيمي

تاپانميرام وفالي يولداشيمي

بولود قويور باشيني داغ چينينه

من قارا گون هارا قويوم باشيمي

ايسميرم ياريم گوروب اينجي يه

گيزده ديرم گوزومده گوزياشيمي

باشماق كيمين زيوار سيزام حيف اولا

تاپانميرام درديمه كفاشيمي

نقاش اولوب خيالينده چكيردير

اول دوداغ ، سونرادا گوز ـ  قاشيمي

رنگي قوتولدي بوشلادي طرحيمي

گورمديم اوندان سورا نقاشيمي

مسافر اولدوم ، حيف اولا تانيش يوخ

ايق داليمدا پيشيره آشيمي

 

 

غزل 2

 

گئنه غمخانه كيميندير منه دونيا گئجه لر

سن كي يوخسان گوره سن گوزلري دريا گئجه لر

بير قرنلوق كوچه دي ، بير باجادي ، بيرده منم

كيم بيلر درديميزي همشه يلدا گئجه لر

گوزليم گوزلروي اولدوز ائله گوزلريمه

بلكه اولسون يوخومون كابوسي ، رويا گئجه لر

سن گئداندان سورا بير بوغضدي ساليب درده مني

گوزياشيمنان ائله ديم دردي مداوا گئجه لر

اورك اولدي پارالي ، گوزلريم اولدي يارالي

يارادا هرياريا ائدي مدارا گئجه لر

من پلنگ لر كيمينيديم آيين اون دورد گئجه سي

آيي اوخشادي سنه ائتدي تماشا گئجه لر

گئزمه عشق معناسيني آيري اوركلرده كي من

ائدميشم صبحه كيمين عشقيمي معنا گئجه لر

غزل 3

نـازلـي گولـوم مـنـنده بيـر يـاد ائـله

يـامـان گونـون الـيـنــدن آزاد ائـله

يـل كـيمين اس سـيپـيرگينن غملـري

مـنـي ده بـيــر گلـمـگوا شــاد ائـله

طوفان اولوب درياده هئچ امـان يوخ

داديـمه چـات گل مـني امـدادائـله

سن سيز عمر گوزومده هئچ زاد اولوب

قيـل بيـر نـظـر عمـرمو بيـر زاد ائـله

سـندن سـورا كنـديم خرابه اولـدي

گئنـه قـيـيــد كنـديـمـي آبـاد ائـله

غزل ۴

عمور منيلن ايسته مير بئش كلمه خوش دانيشا

هر گون كي عمريمدن كئچير بير داشدي كي دئير باشا

بيرجه منه دئسين بيري ، نيله ميشم بو خلقه من

هر كيمسه يولدان كئچينير منيلن ايستير ساواشا

قوش كيمينم كي روزگار ، باقلانديريب قاناتيمي

عقيل دئير قوي باشووي ، آمما اورك دئير ياشا

نه وقته جاق يازيم يازي ، نه وقته جاق چاليم سازي

دنيزلي يم ، دنيزلي يم ، دا طاقتيم گليب باشا

ايسته ييرم بير قوش اولام ، قانات چالام هر طرفه

گئدم اوزاقلاردان ائدم گونلريمي بير تاماشا

غزل ۵

گوزلـرون آخ نه گوزلديـر ، نه گوزل ، آي پاراسي

نـه اولاردي گئـيـنــم گوزلــروون آغ ـ قـاراسي

بو نـه گوزياشدي كي طوفانلي ائديب گوزلرووي

جـانيمـا دوشسـون اگر گوزلـروون وار يـاراسي

دامجـي دامجـي ييقيليـر خيردا گوزه ، من نه دئيم

دنـيـزه بـنـزيـيــر آمـا ايـكـي كيپـريـك آراسي

ائلـه اولـدوز كيمـي گوزيـاشي يئره توكمه گوزل

ائلـه اولـدوزلارا ديـمـز گونـشـيـن گوشواراسي

آغلامـا ، بيـر ائلـه گوزيـاش ائله مه ، صبره دايان

قويمارام سئل لره دوشسون گئنه ده ائل ساراسي

/ 17 نظر / 82 بازدید
نمایش نظرات قبلی
احيسان مهديان

سلام زيبا بود اگر چه کامل فهم نکردم تا بعد هجووووووووووووووووووووووووووووووووووووووم

زهره جعفرزاده

سلام . وبلاگ من با یک غزل مثنوی به روز... منتظر حضور شما... موفق و پیروز باشید.

سيد مهدي موسوي

سلام عزيز! با مطلبي نيمه طنز ـ نيمه جدي تحت عنوان « منتقد يک دقيقه اي» ( آموزش نقد به شيوه هاي کلاسيک و پست مدرن) به روزم...حتما سر بزنيد!

زهره جعفرزاده

سلام . وبلاگ من با یک غزل به روز... منتظر حضور شما... موفق و پیروز باشید.

رضا

شهربانو - قاياقيزي

سلام عزیز قارداشیم . سیزین گؤزل وبلاکیزی تانیماخدان چوخ سئویندیم . اما حئیف کی یاخجی اوخویا بیلمیرم . کلمه لرین بیر خیردالاری دوشمویوب . بی زحمت بیراز جورلویون تا یاخجی اوخویا بیله م . ساغ اولون الله سیزی یورماسین

سجاد

سلام گوزلیم شعر لری اوخوماخدان لذت آپاردیم منیمده وبلاگما باشور ترکی شعرلر وبلاگ دا یازمیشام

ولی کريمی

سلام چوخ شاد اولدوم بو متنی اخوماخدان

ياشاسين

cavad

سلام چوخ گوزل دی شعر لریز واریدی یاشئن. یاشاسئن